മദീന: മദീനയിലെ എയര്പോര്ട്ട് റോഡിലുണ്ടായ വാഹനാപകടത്തില് മലപ്പുറം ഇരിമ്പുഴി, ഹൈസ്കൂള് പടി അരീക്കാടന് മുസ്തഫ (41) മരിച്ചു. വെള്ളിയാഴ്ച രാത്രി മദീനയില് നിന്ന് 30 കിലോ മീറ്റര് അകലെ അകൂല് എന്ന സ്ഥലത്ത് വെച്ച് മുസ്തഫ ഓടിച്ചിരുന്ന അല് വതനിയ ജൂസ് കമ്പനിയുടെ ഡെലിവറി വാഹനം സൗദി പൗരന് ഓടിച്ചിരുന്ന വാഹനവുമായി കൂട്ടിയിടിച്ചതിനെ തുടര്ന്ന് കത്തിയാണ് അപകടമുണ്ടായത്. അപകടത്തില് സൗദി പൗരനും മരിച്ചു.
20 വര്ഷമായി കമ്പനിയില് സെയില്സ്മാനായി ജോലി ചെയ്തു വന്നിരുന്ന മുസ്തഫ കുടുംബത്തെ നാട്ടിലാക്കി 15 ദിവസം മുമ്പാണ് അവധി കഴിഞ്ഞു തിരിച്ചെത്തിയത്. മീഖാത് ആശുപത്രിയിലെ മോര്ച്ചറിയില് സൂക്ഷിച്ചിട്ടുള്ള മൃതദേഹം ഖബറടക്കുന്നതിനുള്ള ശ്രമങ്ങള് നടത്തി വരുന്നതായി ഹജ്ജ് വെല്ഫെയര് കമ്മിറ്റി ചെയര്മാന് അക്ബര് ചാലിയം അറിയിച്ചു .സഹോദരന് അബ്ബാസ് മദീനയിലുണ്ട് .
ഭാര്യ ഖമറുന്നിസ. മക്കള്: ശിഫ്ന സെറിന്, ശഹാന. പിതാവ് അരീക്കാടന് കുഞ്ഞ് മുഹമ്മദ് ഹാജി. മാതാവ്വല്ലാഞ്ചിറ മറിയുമ്മ.
No comments:
Post a Comment