സബ്ജക്റ്റ് ലൈനിൽ ‘വിയോഗം’ എന്ന് എഴുതി വിയോഗ വാർത്തകൾ prachaarakan@gmail.com എന്ന ഇ-മെയിലിൽ അയക്കുക.

Tuesday, September 28, 2010

ചാലിയം എ.പി ബാവ ഹാജി അന്തരിച്ചു

കോഴിക്കോട്‌: ആപ്കോ ഗ്രൂപ്പ്‌ ചെയർമാനും സുന്നി പ്രാസ്ഥാനിക രംഗത്തെ സജീവ സഹകാരിയുമായിരുന്ന ചാലിയം എ.പി ബാവ ഹാജി (70) അന്തരിച്ചു. 27/09/2010 തിങ്കളാഴ്ച രാത്രി 11 മണിയോടടുത്തായിരുന്നു അന്ത്യം. ഖബറടക്കം ഇന്ന് ചൊവ്വാഴ്ച നാല്‌ മണിക്ക്‌ ചാലിയം ജുമുഅത്ത്‌ പള്ളിയിൽ. ബാവഹാജി ചാലിയം ജമാഅത്ത്‌ കമ്മിറ്റി പ്രസിഡന്റും കാരന്തൂർമർകസ്‌ ഉൾപ്പടെ നിരവധി സ്ഥാപനങ്ങളുടെ രക്ഷാധികാരിയുമായിരുന്നു.

കാസർകോട്‌ ചെങ്കളയിലെ ആപ്കോ ഹുണ്ടായി കാർ ഷോറൂം ഉടമ കൂടിയായ ബാവ ഹാജിക്ക്‌ ജില്ലയിലെ ജാമിഅ സഅദിയ്യ അറബിയ്യ, മൾഹർ, മുഹിമ്മാത്ത്‌ തുടങ്ങിയ സ്ഥാപനങ്ങളുമായി അടുത്ത ബന്ധമുണ്ട്‌. കേരളത്തിലെ പണ്ഡിതന്മാരുമായും സയ്യിദുമാരുമായും അടുത്ത ബന്ധം പുലർത്തിയിരുന്ന ബാവ ഹാജി പാണക്കാട്‌ ശിഹാബ്‌ തങ്ങൾ, സയ്യിദ്‌ ഖലീൽ തങ്ങൾ, പോസോട്ട്‌ തങ്ങൾ തുടങ്ങിയവരുടെ സന്തത്ത സഹചാരിയായിരുന്നു. ബാവ ഹാജിയുടെ നിര്യാണത്തിൽ സമസ്ത കേരള ജംഇയ്യത്തുൽ ഉലമ പ്രസിഡന്റ്‌ താജുൽ ഉലമ സയ്യിദ്‌ അബ്ദുറഹ്മാൻ അൽ ബുഖാരി, സെക്രട്ടറി കാന്തപുരം എ.പി അബൂബക്കർ മുസ്ലിയാർ, സഅദിയ്യ ജനറൽ മാനേജർ നൂറുൽ ഉലമ എം.എ അബ്ദുൽ ഖാദിർ മുസ്ലിയാർ, സയ്യിദ്‌ മുഹമ്മദ്‌ ഉമറുൽ ഫാറൂഖ്‌ അൽ ബുഖാരി തുടങ്ങിയവർ അനുശോചിച്ചു.
28-09-2010

No comments:

Post a Comment