Monday, April 23, 2012
കെ വി ഉസ്താദ് കരൂപ്പടന്ന മരണപ്പെട്ടു
സമസ്ത തൃശൂര്‍ ജില്ല നേതാവും പ്രമുഖ പണ്ഡിതനുമായിരുന്ന കരൂപ്പടന്ന കെ വി കുഞ്ഞി മുഹമ്മദ് മുസ്ലിയാര് മരണപ്പെട്ടു. ഖബറടക്കം കരൂപ്പടന്ന ജുമുഅത്ത് പള്ളിയില്‍ നടന്നു. ദീര്ഘ കാലമായി കൊച്ചിയിലെ ജുമുഅത്ത് പള്ളിയില്‍ ഖതീബായി സേവനം അനുഷ്ടിച്ചു വരികയായിരുന്നു. വര്ഷങ്ങളോളം അബുദാബിയില്‍ ജോലി നോക്കിയിരുന്ന കുഞ്ഞി മുഹമ്മദ് മുസ്ലിയാര് വാടാനപ്പള്ളി മദാറിന്റെ തുടക്കത്തില്‍ ശരീഅത്ത് കോളേജ് പ്രിന്സിപ്പലായും പ്രവര്ത്തിച്ചിരുന്നു. എസ് എസ് എഫ് തൃശൂര്‍ ജില്ല മുന്‍ പ്രസിഡന്റും ഇപ്പോള്‍ അബുദാബി യെര്മൂക്ക് ഹജ്ജ് ഉംറ ഗ്രൂപ്പില്‍ ജോലി ചെയ്യുന്ന റാഫിദ് സഖാഫി മകനാണ്.
തൃശൂര്‍ ജില്ലയിലെ ഇസ്ലാമിക പ്രബോധന രംഗത്ത് ഒട്ടേറെ സേവനം അനുഷ്ട്ടിച്ച മഹാനുഭാവനാണ് കുഞ്ഞി മുഹമ്മദ് മുസ്ലിയാര്. തികഞ്ഞ പാണ്ഡിത്യവും ത്യാഗ ബോധവും അടങ്ങാത്ത പ്രവര്ത്തറന മികവും അദ്ധേഹത്തിന്റെ മികവുകളില്‍ ശ്രദ്ധേയമാണ്.
Thursday, April 5, 2012
അബ്ദുല്‍ റസാഖ്(മംഗലാപുരം -തലപ്പാടി ) വാഹനാപകടത്തില്‍ മരണപ്പെട്ടു
എസ്.വൈ.എസ് .മംഗലാപുരം -തലപ്പാടി മേഖലയിലെ സജീവ പ്രവതകന്‍ കെ.സി.റോഡ്‌ ജങ്ക്ഷനിലെ ഐഡിയല്‍ ബേക്കറി ഉടമ അബ്ദുല്‍ റസാഖ് (40 )ഇന്ന് ഉച്ചക്ക് ഓട്ടോ റിക്ഷയും ബസ്സും കൂട്ടിമുട്ടി ഉണ്ടായ അപകട ത്തില്‍ മരണപ്പെട്ടു .3 മക്കളുടെ പിതാവാണ്.
റിക്ഷ ഡ്രൈവര്‍ ഹമീദും മരിച്ചിട്ടുണ്ട്. മരണപ്പെട്ടവര്‍ക്ക് വേണ്ടി മയ്യിത്ത് നിസ്കരിക്കാനും, പ്രാര്ത്ഥന നടത്താനും എസ്.വൈ.എസ് കര്‍ണാടക സംസ്ഥാന പ്രസിഡന്റ് കെ.പി.ഹുസൈന്‍ സഅദി കെ.സി.റോഡും SSF സൌത്ത് ഇന്ത്യ അധ്യക്ഷന്‍ അബ്ദുല്‍ റഷീദ് സഖാഫി സൈനിയും അഭ്യര്‍ഥിച്ചു
Tuesday, April 3, 2012
സത്താര്‍ ഹാജി കടാങ്കോട് മരണപ്പെട്ടു
കുവൈറ്റ്‌ ഐ സി എഫ് സജീവ പ്രവര്‍ത്തകന് അബ്ദുല്‍ സത്താര്‍ ഹാജി(പണ്ടാരവളപ്പില്‍ കടാങ്കോട് കണ്ണൂര്‍) മരണപ്പെട്ടു അല്ലാഹു അവരുടെ എല്ലാ പാപങ്ങളും പൊറുത്തുകൊടുത്ത് ജന്നാത്തുല്‍ ഫിര്‍ദൌസില്‍ ഉന്നത പദവി നല്‍കി അനുഗ്രഹിക്കട്ടെ ആമീന്‍. ആ കുടുംബത്തില്‍ അല്ലാഹു ശാന്തിയും സമാധാനവും ഒപ്പം എല്ലാ അനുഗ്രഹങ്ങളും നല്‍കി അനുഗ്രഹിക്കട്ടെ ആമീന്‍...
പരേതനു വേണ്ടി മയ്യിത്ത് നിസ്കരിക്കാനും മഗ്‌ഫിറത്തിനും വേണ്ടി ദുആ ചെയ്യാനും എല്ലാ സ്നേഹിതരോടും വസ്സിയ്യത്തു ചെയ്യുന്നു
ഇ.കെ.ബാവ മുസ്ലിയാര് നിര്യാതനായി.
അസുഖത്തെ തുടര്ന്ന് ഇഖ്‌റഅ്‌ ആശുപത്രിയില്‍ ചികിത്സയിലായിരുന്നു. (ചൊവ്വ) ഉച്ചയ്ക്ക്‌ 12 മണിക്ക് പറമ്പില്‍ ബസാര്‍ പള്ളി മഖ്ബറയില്‍ ഖബറടക്കം നടക്കും . അല്ലാഹു ആ മഹാനുഭവന്ന്‌ മഗ്ഫിറത്തും മര്ഹഖമത്തും നല്കട്ടെ....സ്വര്ഗീയയ ആരാമത്തില്‍ റസൂലുള്ളാഹി(സ)യോടൊപ്പം അദ്ദേഹത്തിനും നമുക്കും ഒരുമിച്ച്‌ കൂടുവാന്‍ കാരുണ്യവാനായ റബ്ബ്‌ തൌഫീഖ്‌ പ്രധാനം ചെയ്യട്ടെ..ആമീന്‍ യാറബ്ബല്‍ ആലമീന്‍..
Sunday, April 1, 2012
ഹനീഫ് മുസ്ലിയാര് ബന്ധിയോടിന്‍റെ പിതാവ് മരണപ്പെട്ടു
ബന്തിയോട്:ആര്‍.എസ്.സി (ഷാര്‍ജ) അബുശാഗറ യുണിറ്റ് മുന്‍ ചെയര്‍മാന്‍ ഹനീഫ് മുസ്ലിയാര് ബന്ധിയോടിന്‍റെ പിതാവ് അലി അബ്ബ (85) ഇന്ന് (ശനി) ഉച്ചക്ക് മരണപ്പെട്ടു.മറ്റുമക്കള്‍ ഹുസൈന്‍,ഖദീജ,ആയിഷ. ജമാതാക്കള്‍:ഖാദര്‍ ഹാജി ഹോസന്കടി,മുഹമ്മദ് അട്യനടുക്ക.
ഖബറടക്കം:ഇന്ന് രാത്രി പത്ത് മണിക്ക് സുബഹാനിയ്യ മസ്ജിദില്‍ നടക്കും
Saturday, March 31, 2012
മഅ്ദിന്‍ ഇസ്‌ലാമിക് അക്കാദമി ജനറല്‍ മാനേജര്‍ പി.പി ബാപ്പു ഹാജി അന്തരിച്ചു
കരുവന്‍തിരുത്തി: മഅ്ദിന്‍ അക്കാദമി ജനറല്‍ മാനേജറും പൗരപ്രധാനിയുമായിരുന്ന പി.പി ബാപ്പുഹാജി കരുവന്‍തിരുത്തി(പറവഞ്ചേരി പടിഞ്ഞാറെയില്‍ മുഹമ്മദ് ഹാജി) അന്തരിച്ചു. 65 വയസ്സായിരുന്നു. കെ.എച്ച്.എം യു.പി സ്‌കൂള്‍ മാനേജര്‍, നൂറുല്‍ഹുദാ എജ്യുക്കേഷണല്‍ ട്രസ്റ്റ് ട്രഷറര്‍, തര്‍ബിയതുല്‍ ഉലൂം മദ്രസ ജനറല്‍ സെക്രട്ടറി, കരുവന്‍തിരുത്തി ജുമാമസ്ജിദ് ഭാരവാഹി എന്നീ സ്ഥാനങ്ങള്‍ വഹിച്ചിട്ടുണ്ട്. പത്ത് വര്‍ഷമായി മഅ്ദിന്‍ ഇസ്‌ലാമിക് അക്കാദമിയുടെ ജനറല്‍ മാനേജറായി സേവനമനുഷ്ടിച്ചു വരികയായിരുന്നു.കരുവന്‍തിരുത്തി വലിയ ജുമാമസ്ജിദില്‍ ഖബറടക്കി.
പരേതനായ കോയാലിക്കുട്ടി ഹാജിയാണ് പിതാവ്. മാതാവ് ബീവിക്കുട്ടി ഹജ്ജുമ്മ. ഭാര്യ നഫീസ ഹജ്ജുമ്മ കരുവന്‍തിരുത്തി. മക്കള്‍ റൈഹാനത്ത്, സുരയ്യ, മുഹമ്മദ് ഹാരിസ്, മരുമക്കള്‍ ഒ.പി അലവിക്കുട്ടി കരുവന്‍തിരുത്തി, അബ്ദുല്‍ സലീം ആക്കോട്
മഅ്ദിന്‍ ചെയര്‍മാന്‍ സയ്യിദ് ഇബ്‌റാഹീമുല്‍ ഖലീലുല്‍ ബുഖാരി, സയ്യിദ് ഇസ്മാഈല്‍ ബുഖാരി, സയ്യിദ് അബ്ദുള്ള ഹബീബ് റഹ്മാന്‍ ബുഖാരി, സയ്യിദ് ശിഹാബുദ്ധീന്‍ ബുഖാരി, എ.പി കരീം ഹാജി ചാലിയം തുടങ്ങിയവര്‍ അദ്ധേഹത്തിന്റെ വസതിയിലെത്തി അനുശോചിച്ചു.
Monday, March 26, 2012
ഷാജഹാന്‍ ബാഖവി ഉസ്താദിന്റെ് ഉമ്മ മരണപ്പെട്ടു,
നെട്ടൂര്‍ ഷാജഹാന്‍ ബാഖവി ഉസ്താദിന്റെ് ഉമ്മ ഇന്നു രാവിലെ മരണപ്പെട്ടു, ഖബറടക്കം ഇന്ന് ഉച്ചക്ക് നടക്കും മയ്യിത്ത് നിസ്കരിക്കുക പ്രത്യേകം ദുആ ചെയ്യുക.. അല്ലാഹു ആ ഉമ്മയുടെ പരലോക ജീവിതം വിജയത്തില്‍ ആക്കട്ടെ .. ആമീന്‍
D M Rafeek AlappuzhA
Wednesday, March 21, 2012
ഇ.കെ.അബ്ദുല്ല മുസ്ലിയാര് ഇഹലോകവാസം വെടിഞ്ഞു.
മര്‍ഹൂം ശംസുല്‍ ഉലമ ഇ.കെ. ഉസ്താദു (ന:മ) മര്‍ഹൂം ഇ.കെ.ഹസന്‍ മുസ്ലിയാര് (ന:മ) ഇവരുടെ സഹോദരമാരുടെ കൂട്ടത്തില്‍ അവസാനത്തെ കണ്ണിയും ദുബൈയിലെ മാഹിന്‍ സഖാഫിയുടെ എളാപ്പയും അഡ്വ: ഇ.കെ.മുസ്തഫ സഖാഫിയുടെ പിതാവുമായ ഇ.കെ.അബ്ദുല്ല മുസ്ലിയാര് കോഴിക്കോട്‌ പറമ്പിലെ സ്വവസതിയില്‍ വെച്ചു ഇഹലോകവാസം വെടിഞ്ഞു... ഇന്നാലില്ലാ.....നാളെ (വ്യാഴം) രാവിലെ ഒമ്പത്‌ മണിക്ക് പറമ്പില്‍ പള്ളി മഖ്ബറയില്‍ ഖബറടക്കം ചെയ്യും ...
ആ മഹാനുഭവന്‌ അല്ലാഹു മഗ്ഫിറത്തും മര്‍ഹമത്തും നല്കട്ടെ...ആമീന്‍...റസൂലുല്ലാഹി(സ) തങ്ങളോടൊപ്പം സുഖലോക സ്വര്‍ഗത്തില്‍ അല്ലാഹു അവരെയും നമ്മെയും ഒരുമിച്ച്‌ കൂട്ടട്ടെ.ആമീന്‍.
Hamza Seaforth.
ഇബ്രാഹിം മുസ്ലിയാര് മുണ്ടകുറ്റി മരണപ്പെട്ടു.
റിയാദ് സോണ്‍ ബത്ത സെക്ടര്‍ കണ്വീ്നര്‍ മുഹമ്മദ് അലി കല്ലാചിയുടെ പിതാവും നൌഷാദ സഖാഫി മുണ്ടകുറ്റിയുടെ എളാപ്പയുമായ ഇബ്രാഹിം മുസ്ലിയാര് മുണ്ടകുറ്റി മരണപ്പെട്ടു. പരേതന്റെ മഗ്ഫിരത്തിന് വേണ്ടി എല്ലാവരോടും ദു'ആ ചെയ്യാന്‍ അഭ്യര്ത്ഥിനക്കുന്നു. അള്ളാഹു റബ്ബുല്‍ ഇസ്സത് അദ്ദേഹത്തിന് പൊരുതു കൊടുക്കട്ടെ ... അമീന്‍.
നസീര്‍ മുതുകുറ്റി
Wednesday, March 14, 2012
ഇച്ചിലങ്കോട് മൊയ്തീന്‍ ഹൃദയാഘാതം മൂലം നിര്യാതനായി
കുമ്പള: കുമ്പള പോലീസ് സ്റ്റേഷന് സമീപം റാഫി മന്‍സിലിലെ ഇച്ചിലങ്കോട് മൊയ്തീന്‍ (48) ഹൃദയാഘാതം മൂലം നിര്യാതനായി. കഴിഞ്ഞ ദിവസം വീട്ടു ജോലിക്കിടെ കുഴഞ്ഞുവീണ മൊയ്തീനെ കാസര്‍കോട്ടെ സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും രക്ഷിക്കാനായില്ല.
സജീവ സുന്നി പ്രവര്‍ത്തകനും, സുന്നി സംഘടനാ സ്ഥാപനങ്ങളുടെ സഹകാരിയുമാണ്. ഇച്ചിലങ്കോട് ദീനാര്‍ നഗറിലെ പരേതരായ ബാവയുടെയും ഉമ്മു ഹലീമയുടെയും മകനാണ്. ഉളുവാര്‍ ഗുദ്ര്‍ ഹൗസിലെ മുഹമ്മദിന്റെ മകള്‍ ആയിഷയാണ് ഭാര്യ, മക്കള്‍: റാഫി (സെയില്‍സ്മാന്‍ കുമ്പള) റഫീന, റഷീദ, റാസി (മൂവരും കുമ്പള ഹൈസ്‌കൂള്‍ വിദ്യാര്‍ത്ഥിനികള്‍)
സഹോദരങ്ങള്‍: ഇബ്രാഹിം, അബ്ദുല്‍ ഖാദിര്‍ (സഈദി), മുഹമ്മദ് (സഈദി) മുഹിമ്മാത്ത് മുദരിസ് ബെള്ളിപ്പാടി അബ്ദുല്ല മുസ്ലിയാര്, എസ്.വൈ.എസ് ജില്ലാ സെക്രട്ടറി സുലൈമാന്‍ കരിവെള്ളൂര്‍, സെക്രട്ടറി ബഷീര്‍ പുളിക്കൂര്‍, എസ്.എസ്.എഫ് സംസ്ഥാന വൈസ് പ്രസിഡന്റ് മൂസ സഖാഫി കളത്തൂര്‍, സമസ്ത താലൂക്ക് സെക്രട്ടറി അബ്ദുറഹ്മാന്‍ അഹ്‌സനി, കുമ്പള മേഖലാ സെക്രട്ടറി ഉമര്‍ സഖാഫി കാര്‍ണൂര്‍, എസ്.എസ്.എഫ് നേതാക്കളായ അഷ്‌റഫ് സഅദി ആരിക്കാടി, ഫാറൂഖ് കുബണൂര്‍, സത്താര്‍ മദനി തുടങ്ങിയവര്‍ പരേതന്റെ വസതി സന്ദര്‍ശിച്ച് അനുശോചനം അറിയിച്ചു.
വന്‍ ജനാവലിയുടെ സാന്നിദ്ധ്യത്തില്‍ മയ്യിത്ത് ഇച്ചിലങ്കോട് ജുമാമസ്ജിദില്‍ ഖബറടക്കി. സത്താര്‍ മദനി മയ്യിത്ത് നിസ്‌കാരത്തിന് നേതൃത്വം നല്‍കി. പരേതന്റെ പേരില്‍ മയ്യിത്ത് നിസ്കരിക്കാനും മഗ്ഫിറത്തിന് വേണ്ടി പ്രാര്‍ത്ഥിക്കാനും സമസ്ത താലൂക്ക് സെക്രട്ടറി അബ്ദുറഹ്മാന്‍ അഹ്‌സനി, എസ്.വൈ.എസ് ജില്ലാ സെക്രട്ടറി സുലൈമാന്‍ കരിവെള്ളൂര്‍ എന്നിവര്‍ അറിയിച്ചു.
13/03/2012
Monday, March 12, 2012
നൗഷാദ് കൂലൈലില്‍ (ബെസ്റ്റ് ബേക്കറി ,ചൂനാഡ്) മരണപെട്ടു
സുന്നീ പ്രവര്ത്തകനായ നൗഷാദ് കൂലൈലില്‍ നൗഷാദ് മന്സില്‍ (ബെസ്റ്റ് ബേക്കറി ,ചൂനാഡ് , ആലപ്പുഴ ജില്ല ) മരണപെട്ടു
പരേതന്റെ മഗ്ഫിരത്തിന് വേണ്ടി എല്ലാവരോടും ദു'ആ ചെയ്യാന്‍ അഭ്യര്ത്ഥിക്കുന്നു.
പരേതന്റെ മഗ്ഫിരത്തിന് വേണ്ടി എല്ലാവരോടും ദു'ആ ചെയ്യാന്‍ അഭ്യര്ത്ഥിക്കുന്നു.
انا لله و انا اليه راجعون
اللهم اغفر له وارحمه و أدخله الجنة مع الأبرار
Noushad muhammad nashn6@gmail.com
Sunday, March 11, 2012
മുട്ടുന്തല ഹമീദ് നിര്യാതനായി
കാഞ്ഞങ്ങാട്: പൌര പ്രമുഖനും മുട്ടുന്തലയിലെ വ്യാപാരിയുമായ മുട്ടുന്തല ഹമീദ് (75) ഇന്ന് പുലര്‍ച്ചെ (ഞായര്‍) നിര്യാതനായി. മുട്ടുന്തലയിലെ സ്വവസതിയില്‍ വെച്ചായിരുന്നു അന്ത്യം. പഴയ കാല സാമൂഹ്യ സാംസ്കാരിക രംഗങ്ങളിലെ പ്രവര്‍ത്തകനായിരുന്നു.
പരേതനായ മുട്ടുന്തല സി.എച്ച്. അബ്ദുല്‍റഹ്മാന്‍ മാസ്റ്റര്‍ ഹാജിയുടെയും മാണിക്കോത്ത്‌ ഖദീജയുടെയും മകനാണ്. ദീര്‍ഘകാലം ഷാര്‍ജയില്‍ വ്യാപാരം നടത്തിയിരുന്നു. പ്രവാസ ജീവിതം അവസാനിപ്പിച്ച് നാട്ടില്‍ വ്യാപാരം നടത്തി വരികയായിരുന്നു. മക്കളില്ല.
കാസര്‍കോട്ടെ പരേതനായ തുരുത്തി പോക്കരിന്റെ മകള്‍ ആസ്യബി ഹജ്ജുമ്മയാണ് ഭാര്യ. ഷാര്‍ജയിലെ വ്യാപാരികളായ മുട്ടുന്തല അബ്ദുല്‍ഖാദര്‍ ഹാജി, അസൈനാര്‍ ഹാജി, പരേതനായ മുഹമ്മദ് ഹാജി, തൊട്ടി അസൈനാരുടെ ഭാര്യ മറിയമ്മ, മഞ്ചേശ്വരത്തെ ജമീല, എന്നിവര്‍ സഹോദരങ്ങളാണ്. ആലൂര്‍ ടി.എ. മഹമൂദ്‌ ഹാജിയുടെ അമ്മായിയുടെ അനുജത്തിയുടെ ഭര്‍ത്താവാണ് പരേതന്‍. ഇന്ന് ഉച്ച ശേഷം മുട്ടുന്തല ജുമാ മസ്ജിദ്‌ ഖബര്‍ സ്ഥാനില്‍ മയ്യിത്ത് മറവു ചെയ്യും
news by
ആലൂര്‍ ടി.എ. മഹമൂദ്‌ ഹാജി ദുബായ്‌
Saturday, March 3, 2012
അഷറഫ് സഅദി വാഹനാപകടത്തില്‍ മരണപ്പെട്ടു
ദേളി: ഭദ്രാവതി പള്ളിയിലെ ഖത്തീബും ഷിമോഗ തീര്‍ത്തഹള്ളിയിലെ സാറാ-മുഹമ്മദ് ദമ്പതികളുടെ മകനുമായ അഷ്‌റഫ് സഅദി (25) കഴിഞ്ഞ ദിവസം രാത്രി ഷിമോഗക്കടുത്ത് ഉണ്ടായ വാഹനാപകത്തില്‍ മരണപ്പെട്ടു. അദ്ദേഹം സഞ്ചരിച്ചിരുന്ന ബൈക്കിലേക്ക് എതിര്‍വശത്തു നിന്ന് വന്ന വാഹനം ഇടിക്കുകയായിരുന്നു. കൂടെ ഒരു സുഹൃത്തുമുണ്ടായിരുന്നു. അദ്ദേഹവും മരണപ്പെട്ടതായാണ് വിവരം ലഭിച്ചത്. ഏപ്രില്‍ മാസം അഷ്‌റഫ് സഅദിയുടെ കല്യാണം നിശ്ചയിച്ചിരുന്നു. കല്ല്യാണം ക്ഷണിച്ച് തിരിച്ചുവരുമ്പോഴായിരുന്നു അപകടം.
സഅദിയ്യയില്‍ നിന്ന് പഠനം പൂര്‍ത്തിയാക്കി കഴിഞ്ഞ 42-ാം സമ്മേളനത്തില്‍ ബിരുദം വാങ്ങി പുറത്തിറങ്ങിയ നവ സഅദിയാണ് അദ്ധേഹം. പഠനത്തില്‍ മിടുക്കനും ഉസ്താദുമാര്‍ക്കും വിദ്യാര്‍ത്ഥികള്‍ക്കുമിടയില്‍ വളെര പ്രിയങ്കരനായിരുന്നു. അബ്ദുറഹിമാന്‍ മുസ് ലിയാര്‍, ഹംസ, അബ്ദുല്ല കുട്ടി, മുഹിയിദ്ധീന്‍, ഹബീബുല്ലാഹ്, സുബൈദ, തുടങ്ങിയവര്‍ സഹോദരന്‍മാരാണ്. മരണവിവരം അറിഞ്ഞ് സഅദിയ്യയില്‍ നിന്നും ഉസ്താദുമാരും കുട്ടികളും ഷിമുഗയിലേക്ക് യാത്ര തിരിച്ചിട്ടുണ്ട്.
അഷ്‌റഫ് സഅദിക്കുവേണ്ടി മയ്യിത്ത് നിസ്‌ക്കരിക്കാനും പ്രത്യേക പ്രാര്ത്ഥന നടത്താനും സഅദിയ്യ ജനറല്‍ സെക്രട്ടറി കെ.എസ്. ആറ്റക്കോയ തങ്ങള്‍ കുമ്പോല്‍, ജനറല്‍ മാനേജല്‍ എം.എ. അബ്ദുല്‍ ഖാദിര്‍ മുസ്ലിയാര്, പ്രിന്‍സിപ്പാള്‍ എ.കെ. അബ്ദു റഹിമാന്‍ മുസ്ലിയാര് എന്നിവര്‍ അഭ്യര്‍ത്ഥിച്ചു.
Monday, January 30, 2012
ജ‌അഫര്‍ മാസ്റ്റര്‍ ചേലക്കരയുടെ പിതാവ് മരണപ്പെട്ടു
ജ‌അഫര്‍ മാസ്റ്റര്‍ ചേലക്കരയുടെ പിതാവ് അബ്ദുല്ല എന്നവര്‍ മരണപ്പെട്ടു
കബറടക്കം ഇന്ന് രാവിലെ കേച്ചേരി പട്ടിക്കര ജുമാമസ്ജിദ് ഖബര്‍സ്ഥാനില്‍ .
മയ്യിത്ത് നിസ്കരിക്കാനും മഗ്‌ഫിറത്തിനായി പ്രാര്‍ഥിക്കാനും അഭ്യര്‍ഥിക്കുന്നു
Sunday, January 22, 2012
എ.എം കുഞ്ഞബ്ദുല്ല മുസലിയാര്‍ ആലമ്പാടി അന്തരിച്ചു
കാഞ്ഞങ്ങാട്: ആറു പതിറ്റാണ്ടുകാലം ജില്ലയുടെ ആത്മീയ രംഗത്ത് നിറഞ്ഞുനിന്ന ഉന്നത പണ്ഡിതനും ആയിരക്കണക്കിനു പണ്ഡിതരുടെ ഗുരുവര്യരും പുത്തിഗെ മുഹിമ്മാത്ത് ശരീഅത്ത് കോളേജ് സദര്‍ മുദരിസുമായ എ.എം കുഞ്ഞബ്ദുല്ല മുസലിയാര്‍ ആലമ്പാടി (73) അന്തരിച്ചു. ഇന്ന് (വെള്ളിയാഴ്ച) രാവിലെ 11 മണിയോടെ പരിയാരം മെഡിക്കല്‍ കോളേജില്‍ വെച്ചായിരുന്നു അന്ത്യം.
കാഞ്ഞങ്ങാട് സ്വകാര്യ ആശുപത്രിയില്‍ ചികിത്സയിലായിരുന്ന ഉസ്താദിനെ പുലര്‍ച്ചെ നില ഗിരുതരമായതിനെത്തുടര്‍ന്ന് പരിയാരത്തേക്ക് കൊണ്ട് പോവുകയായിരുന്നു. കാഞ്ഞങ്ങാട് പഴയ കടപ്പുറത്തെ സ്വവസതിയിയില്‍ കിടത്തിയിരിക്കുന്ന ഉസ്താദിന്റെ ജനാസ കാണാന്‍ ആയിരങ്ങളാണ് എത്തിക്കൊണ്ടിരിക്കുന്നത്. വൈകിട്ട് 5 മണിയോടെ ഖബറടക്കം നടക്കും. ജീവിതത്തിന്റെ നാനാ തുറകളില്‍ പെട്ട ആയിരക്കണക്കിനാളുകള്‍ അന്ത്യോപചാരമര്‍പ്പിച്ചു കൊണ്ടിരിക്കുന്നു. ജീവിതം മുഴുവന്‍ മത വിദ്യാഭ്യാസ പ്രചരണത്തിനും സമൂഹത്തിന്റെ ആത്മീയാഭിവൃദ്ധിക്കും മാറ്റിവെച്ച എ.എം അബ്ദുല്ല മുസ്ലിയാര് കാസര്‍കോട് ആലമ്പാടിയില്‍ നാല് പതിറ്റാണ്ടിലേറെ നീണ്ട മുദരിസ് സേവനമാണ് ആലമ്പാടി ഉസ്താദ് എന്ന എന്ന പേരില്‍ ഖ്യാതി നേടിത്തന്നത്. നാല് വര്‍ഷം മുമ്പ് മുഹിമ്മാത്തില്‍ പ്രധാന ഉസ്താദായി വന്നതോടെ മുഴുസമയം സ്ഥാപന പ്രവര്‍ത്തകനായി മാറുകയായിരുന്നു.
കര്‍ണാടക കുടകില്‍ ജനിച്ച എ.എം കുഞ്ഞബ്ദുല്ല മുസ്ലിയാര് മഞ്ഞനാടി സി.പി മുഹമ്മദ് കുഞ്ഞി മുസ്ലിയാരുടെ മകളെ കല്യാണം കഴിച്ച് കാഞ്ഞങ്ങാട് താമസം തുടങ്ങിയതോടെ കാസര്‍കോടിന്റെ ഭാഗമായി മാറുകയായിരുന്നു.
ഭാര്യ: മറിയുമ്മ. മക്കള്‍: അബ്ദുറഹ്മാന്‍ സഖാഫി, ഹുസൈന്‍ മുസ്ലിയാര്, ഉമര്‍ സഅദി, അബ്ദുല്‍ ഖാദിര്‍, ആയിശ, മരുമക്കള്‍, ഇബ്രാഹീം മുസ്ലിയാര് കര്‍ണാടക, സി.പി ആമിന, സുഹ്‌റ, ഫൗസിയ്യ. ഭാര്യാ പിതാവും ആത്മീയ നായകനുമായ മഞ്ഞനാടി ഉസ്താദ് ദിവസങ്ങള്‍ക്കു മുമ്പാണ് മരണപ്പെട്ടത്.
ജില്ലയില്‍ ജാമിഅ സഅദിയ്യ അറബിയ്യ, പുത്തിഗെ മുഹിമ്മാത്ത് തുടങ്ങിയ സ്ഥാപനങ്ങളുടെ തുടക്കം മുതല്‍ ഉപദേശകനും ഗുണകാംക്ഷിയുമായിരുന്നു. നല്ല പ്രഭാഷകന്‍ കൂടിയായ ഉസ്താദ് ആയിരക്കണക്കിനു ആത്മീയ വേദികള്‍ക്ക് നേതൃത്വം നല്‍കിയിട്ടുണ്ട്. വിവിധ ആത്മീയ ഗുരുക്കളില്‍ നിന്ന് ത്വരീഖത്ത് സ്വീകരിച്ചിട്ടുണ്ട്. സഊദി അറേബ്യ തുടങ്ങിയ വിദേശ രാജ്യങ്ങള്‍ സന്ദര്‍ശിച്ചിട്ടുണ്ട്. പള്ളികള്‍ക്കും വീടുകള്‍ക്കും സ്ഥലം നിര്‍ണയിക്കുന്നതിനും കുറ്റിയടിക്കുന്നതിനും എല്ലാവരും ഉസ്താദിനെയാണ് ആശ്രയിച്ചിരുന്നത്.
ഉസ്താദിന്റെ നിര്യാണത്തില്‍ സമസ്ത പ്രസിഡന്റ് താജുല്‍ ഉലമ ഉള്ളാള്‍ തങ്ങള്‍, അഖിലേന്ത്യാ സുന്നി വിദ്യാഭ്യാസ ബോര്‍ഡ് പ്രസിഡന്റ് നൂറുല്‍ ഉലമ എം.എ അബ്ദുല്‍ ഖാദിര്‍ മുസ്ലിയാര്, കാന്തപുരം എ.പി അബൂബക്കര്‍ മുസ്ലിയാര്, എസ്.വൈ.എസ് സംസ്ഥാന വൈസ് പ്രസിഡന്റ് സയ്യിദ് മുഹമ്മദ് ഉമറുല്‍ ഫാറൂഖ് അല്‍ ബുഖാരി, ജാമിഅ സഅദിയ്യ, പുത്തിഗെ മുഹിമ്മാത്ത്, മള്ഹര്‍, അല്‍ മദീന, എസ് വൈ എസ്, എസ് എസ് എഫ് കമ്മിറ്റികള്‍ അനുശോചിച്ചു
Wednesday, January 18, 2012
സി.എ. അബ്ദുര്‍റഹ്മാന്‍ മുസ്ലിയാര് മുതവല്ലൂര്‍ നിര്യാതനായി
കൊണ്ടോട്ടി: കൊണ്ടോട്ടി ബുഖാരി സ്താപനത്തിലെ മുദരിസും, പഞ്ചായത് മുശാവറ മെമ്പറുമായ സി.എ. അബ്ദര്‍റഹ്മാന്‍ മുസ്ലിയാര് മുതവല്ലൂര്‍ നിര്യാതനായി. ഇന്നലെ വൈകുന്നേരം 7 മണിക്കായിരുന്നു അന്ത്യം. കരള്‍ സംബന്ധമായ രോഗത്താല്‍ ചികില്‍സയിലായിരുന്നു, ബീരാന്‍കുട്ടി മുസ്ലിയാര്, ഇ.സുലൈമാന്‍ മുസ്ലിയാര് പ്രധാന ഗുരുവര്യന്‍മാരാണ്‍. പ്രധാന ശിഷ്യന്മാര്‍ മുഹമ്മദ് ഫാറൂഖ് നഈമി അല്‍ ബുഖാരി, റാഷിദ് ബുഖാരി, ഷനകത്ത് ബുഖാരി, മുഹമ്മദ് റഫീഖ് ബുഖാരി
Tuesday, January 17, 2012
ഉമര്‍ മുസ്ലിയാര് കടുങ്ങല്ലൂരിന്റെ ഉമ്മ മരണപ്പെട്ടു
സുന്നീ ജം‌ഇയ്യത്തുല്‍ മുഅല്ലിമീന്‍ തൃശൂര്‍ ജില്ലാ പ്രസിഡന്റും ചാവക്കാട് ഐ.ഡി.സി ജനറല്‍ സെക്രട്ടറിയുമായ ഉമര്‍ മുസ്ലിയാര് കടുങ്ങല്ലൂരിന്റെ ഉമ്മ ഫാതിമകുട്ടി എന്നവര്‍ ഇന്നലെ രാത്രി മരണപ്പെട്ടു. കബറടക്കം ഇന്ന് രാവിലെ നടന്നു. അവരുടെ പേരില്‍ മയ്യിത്ത് നിസ്കരിക്കാനും ദുആ ചെയ്യാനും അഭ്യര്‍ഥിക്കുന്നു.
Saturday, January 7, 2012
സി.പി. മുഹമ്മദ്കുഞ്ഞി മുസ്ലിയാര് (മഞ്ഞനാടി ഉസ്താദ്) നിര്യാതനായി
കാഞ്ഞങ്ങാട്: എട്ടു പതിറ്റാണ്ടുകാലം കേരള-കര്‍ണാടക സംസ്ഥാനങ്ങളുടെ ആത്മീയ രംഗത്ത് നിറഞ്ഞുനിന്ന ഉന്നത പണ്ഡിതനും ആയിരക്കണക്കിനു പണ്ഡിതരുടെ ഗുരുവര്യരും പ്രമുഖ സൂഫീവര്യനുമായ സി.പി. മുഹമ്മദ്കുഞ്ഞി മുസ്ലിയാര് (മഞ്ഞനാടി ഉസ്താദ്) നിര്യാതനായി. ശനിയാഴ്ച രാവിലെ എട്ടു മണിയോടെ കാഞ്ഞങ്ങാട് പഴയ കടപ്പുറത്തെ സ്വവസതിയിലായിരുന്നു അന്ത്യം. 99 വയസായിരുന്നു.
ജീവിതം മുഴുവന്‍ മത വിദ്യാഭ്യാസ പ്രചരണത്തിനും സമൂഹത്തിന്റെ ആത്മീയാഭിവൃദ്ധിക്കും മാറ്റിവെച്ച സി.പി. മുഹമ്മദ്കുഞ്ഞി മുസ്ലിയാര് കര്‍ണാടക മഞ്ഞനാടിയില്‍ കാല്‍നൂറ്റാണ്ട് നീണ്ട മുദരീസ് സേവനമാണ് മഞ്ഞനാടി ഉസ്താദ് എന്ന പേരില്‍ ഖ്യാതി നേടിത്തന്നത്. പ്രായാധിക്യം കാരണം സേവന രംഗത്തുനിന്ന് മാറി വിശ്രമജീവിതം നയിക്കുമ്പോഴും താന്‍ പടുത്തുയര്‍ത്തിയ മഞ്ഞനാടി അല്‍ മദീനയില്‍ തസവ്വുഫ് ഗ്രന്ഥമായ ഇഹ് യാഉലുമുദ്ദീന്‍ ക്ലാസെടുക്കുന്നതിന് സമയം കണ്ടെത്തിയിരുന്നു.
പുഞ്ചാവി മാമുവിന്റെയും ആഇശയുടെയും മകനായി പഴയ കടപ്പുറം പുഞ്ചാവിയില്‍ ജനിച്ച സി.പി. വളരെ ചെറുപ്രായത്തില്‍ തന്നെ മതപഠനരംഗത്തേക്ക് തിരിഞ്ഞു. പുഞ്ചാവി, മഞ്ചേശ്വരം, നീലേശ്വരം, തുരുത്തി, മാട്ടൂല്‍, പരപ്പനങ്ങാടി തുടങ്ങിയ സ്ഥലങ്ങളില്‍ ദര്‍സ് പഠനത്തിനുശേഷം മുദരീസായി സേവനം തുടങ്ങി. കോമു മുസ്ലിയാര് കോട്ടുമല പ്രധാന ഉസ്താദാണ്.
പുഞ്ചാവി, പഴയ കടപ്പുറം. ആറങ്ങാടി, ശ്രീകണ്ഠപുരം, മഞ്ഞനാടി വലിയ ജുമുഅത്ത് പള്ളി, അല്‍മദീന എന്നിവിടങ്ങളില്‍ സേവനം ചെയ്തു.45 വര്‍ഷത്തിലേറെയായി റബീഉല്‍ ആഖ്വിറില്‍ സ്വന്തം വീട്ടില്‍ വിപുലമായി നടക്കുന്ന വാര്‍ഷിക റാത്തീബ് നേര്‍ച്ചയില്‍ രാജ്യത്തിന്റെ വിവിധ ഭാഗങ്ങളില്‍നിന്ന് ആയിരങ്ങള്‍ എത്തിച്ചേരാറുണ്ട്.
കര്‍ണാടകയില്‍ മദ്രസകള്‍ സ്ഥാപിക്കുന്നതില്‍ ഗണ്യമായ സേവനമര്‍പ്പിച്ച മഞ്ഞനാടി ഉസ്താദ് കാസര്‍കോട് ജില്ലയില്‍ ജാമിഅ സഅദിയ്യ അറബിയ്യ, പുത്തിഗെ മുഹിമ്മാത്ത് തുടങ്ങിയ സ്ഥാപനങ്ങളുടെ തുടക്കം മുതല്‍ ഉപദേശകനും ഗുണകാംക്ഷിയുമായിരുന്നു. നല്ല പ്രഭാഷകന്‍ കൂടിയായ ഉസ്താദ് ആയിരക്കണക്കിനു ആത്മീയ വേദികള്‍ക്ക് നേതൃത്വം നല്‍കിയിട്ടുണ്ട്. വിവിധ ആത്മീയ ഗുരുക്കളില്‍ നിന്ന് ത്വരീഖത്ത് സ്വീകരിച്ചിട്ടുണ്ട്. ഇറാഖ്, യു.എ.ഇ, സഊദി അറേബ്യ തുടങ്ങിയ വിദേശ രാജ്യങ്ങള്‍ സന്ദര്‍ശിച്ചിട്ടുള്ള ഉസ്താദ് അജമീറില്‍ നിത്യസന്ദര്‍ശകനായിരുന്നു.
മൂന്ന് ഭാര്യേമാരില്‍ ദൈനബി നേരത്തെ മരണപ്പെട്ടു. നഫീസ, സൈനബ് ജീവിച്ചിരിപ്പുണ്ട്. മക്കള്‍: മറിയം, ആമിന, ആസ്വിയ, ജദീജ, ബീഫാത്തിമ, അഹ്മദ് സഖാഫി, അബൂബക്കര്‍ സഖാഫി, അബ്ദുല്ല, അബ്ദുല്ലാഹ്, അബ്ദുല്‍ ഖാദിര്‍, അബ്ദുല്‍ ലത്തീഫ്, സൈനബ, ഹഫ്‌സ, റുഖിയ, ഹന്നത്ത്, അബ്ദുല്‍ റഊഫ് ഫാളിലി, കുറ്റിയാടി സിറാജുല്‍ ഹുദാ വിദ്യാര്‍ഥി അബ്ദുല്‍ ജലീല്‍, പരേതരായ അബ്ദുല്‍ റഹ്മാന്‍, സ്വഫിയ്യ . മുഹിമ്മാത്ത് സദര്‍ മുദരീസ് ആലംപാടി എ.എം കുഞ്ഞബ്ദുല്ല മുസ്ലിയാര്, അല്‍മദീന പ്രസിഡന്റ് അബ്ബാസ് മുസ്ലിയാര് മഞ്ഞനാടി, കാടാച്ചിറ അബ്ദുല്‍ റഹ്മാന്‍ മദനി തുടങ്ങിയവര്‍ മരുമക്കളാണ്.
മര്‍ഹൂം യൂസുഫ് ഹാജി ഉസ്താദ്, ആലംപാടി ഉസ്താദ്, കാസര്‍കോട് ഖാസി ടി.കെ.എം ബാവ മുസ്ലിയാര്, മച്ചംപാടി അബ്ദുല്‍ ഹമീദ് മുസ്ലിയാര്, മര്‍ഹൂം സൂരിബയല്‍ അബ്ദുല്‍ റഹ്മാന്‍ മുസ്ലിയാര്, അനുജന്‍ സി.പി. കുഞ്ഞബ്ദുല്ല മുസ്ലിയാര് തുടങ്ങിയവര്‍ പ്രധാന ശിഷ്യരാണ്.
ഖബറടക്കം ഇന്ന് (ശനി) വൈകിട്ട് നാലുമണിക്ക് പഴയ കടപ്പുറം സ്വന്തം വീടിനു സമീപം നേരത്തെ തയ്യാര്‍ ചെയ്ത സ്ഥലത്ത് നടക്കും. മഞ്ഞനാടി ഉസ്താദിന്റെ നിര്യാണത്തില്‍ സമസ്ത പ്രസിഡന്റ് താജുല്‍ ഉലമ ഉള്ളാള്‍ തങ്ങള്‍, സെക്രട്ടറി കാന്തപുരം എ.പി. അബൂബക്കര്‍ മുസ്ലിയാര്, അഖിലേന്ത്യാ സുന്നി വിദ്യാഭ്യാസ ബോര്‍ഡ് പ്രസിഡന്റ് നൂറുല്‍ ഉലമ എം.എ അബ്ദുല്‍ ഖാദിര്‍ മുസ്ലിയാര്, ജാമിഅ സഅദിയ്യ, പുത്തിഗെ മുഹിമ്മാത്ത്, എസ് വൈ എസ്, എസ് എസ് എഫ് കമ്മിറ്റികള്‍ അനുശോചിച്ചു.
news and pics http://www.muhimmath.com/
Subscribe to:
Posts (Atom)
